Ulybrıtanıanyń 97 jastaǵy turǵyny Bettı Bromeıdj ushaq qanatynda ushý jasy boıynsha eń úlken áıel retindegi mártebesin taǵy da rastady. Bul ekstremaldy trúkti ol altynshy ret oryndap, Gınness kitabyna engen óz rekordyn jańartty, dep habarlaıdy infohub.kz.
Cheltnemnen shyqqan Bettı Bromeıdj qanatta ushýdy alǵash ret 87 jasynda synap kórdi. Ótken jyly tamyzda ol ınsýlt alyp, sóıleý qabiletine áser etkenimen, batyl zeınetkerdi bul toqtata almady. Óz ushýy arqyly ol Cheltnem jalpy aýrýhanasynyń ınsýlt bólimshesine qaıyrymdylyq qarajat jınaýdy kózdedi, óıtkeni dál osy aýrýhananyń dárigerleri oǵan aýrý kezinde kómektesken edi. Buǵan deıin Bromeıdj ózi medbıke bolyp jumys istegen.
Cheltnem men Gloster aýrýhanalarynyń qaıyrymdylyq qorynyń ókili Imodjen Sıms Bromeıdjdi batyldyǵy men qoldaýy úshin alǵys bildirdi. Onyń aıtýynsha, qaıyrmaldyqtar pasıentter men personalǵa arnalǵan jabdyqtardy satyp alýǵa jumsalady. Rekordshynyń ózi jalǵyz qıyndyq — boıynyń alasalyǵynan qanatqa kóterilý ekenin, al ushýdyń ózi oǵan úlken qýanysh syılap, zerigýden qutqaratynyn moıyndady.