Qazaqstandyq taekvondıster Samırhon Ababakırov pen Beıbarys Qablan Azıa oıyndary-2026-daǵy ónerlerin shırek fınalda aıaqtady. Togjan Qaznabek pen Nazym Mahmýtova bolsa 1/8 fınalda jeńilip, jarystan shyǵyp qaldy, dep habarlaıdy infohub.kz saıty.
68 kelige deıingi salmaq dárejesinde beldesken Ababakırov týrnırdi vetnamdyq Le Týandy 2:0 esebimen jeńýmen bastady. Alaıda shırek fınalda qazaqstandyq sportshy koreıalyq Mýn Djınhoǵa jol berip, júlde múmkindiginen aıyryldy.
80 keliden joǵary salmaqta Qablan 1/8 fınalda aýǵandyq Alı Akbar Amırıden basym tústi — 2:0. Shırek fınalda qazaqstandyq Iordanıa sportshysy Mohammad Al-Adarbımen kezdesip, úsh raýndta 1:2 esebimen jeńildi de, jartylaı fınalǵa bir qadam jetpeı toqtady.
Áıelder arasyndaǵy 57 kelige deıingi salmaqta Qaznabek birinshi jekpe-jeginde ırandyq Nahıd Kıanıchandehke 0:2 esebimen jol berdi. 67 keliden joǵary salmaqta óner kórsetken Mahmýtova 1/8 fınalda vetnamdyq Bak Thı Khıemmen kezdesip, 0:2 esebimen jeńildi.
Osylaısha, 3 qazanda daıangqa shyqqan tórt qazaqstandyq taekvondıstiń barlyǵy da júldesiz aıaqtady.
Bir kún buryn Tamırlan Tileýles Azıada-2026-nyń 58 kelige deıingi salmaq dárejesinde chempıon atandy. Batyrhan Tóleýǵalı 80 kelige deıingi salmaqta qola júldege qol jetkizdi. Rıta Bakısheva vırtýaldy taekvondodan Oıyndardyń qola júldegeri atandy.
Japonıadaǵy XX Jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarysta 460 komplekt medal sarapqa salynýda. Azıada-2026-da Qazaqstan quramasynyń sapynda 35 sport túrinen 558 sportshy óner kórsetýde.