Abaı oblysynda taǵy bir eldi meken resmı túrde «Аlkogólsiz aýyl» mártebesin aldy. Jarma aýdanyndaǵy Ýkılı aýylynda turatyn barlyq 17 otbasy bul bastamany qoldady, dep habarlaıdy infohub.kz.
İshki ister mınıstrliginiń aqparattyq medıa-portalynda aıtylǵandaı, аlkogólden bas tartý turǵyndardyń sanaly qadamy boldy, ol quqyq buzýshylyqtardyń aldyn alýǵa jáne qoǵamdyq tártipti nyǵaıtýǵa baǵyttalǵan. Ýchaskelik ınspektor Darhan Berikbolov mundaı birlik aýdandaǵy basqa aýyldarǵa úlgi bola alatynyn atap ótti.
Aýyl turǵyndary óz kezeginde bul sheshim qaýipsiz jáne tynysh ómir úshin biraýyzdan qabyldanǵanyn aıtty. «Birlik pen ózara túsinistik bolǵan jerde árqashan tártip pen turaqtylyq bolady. Biz aýylymyzdyń bedelin odan ári birge nyǵaıtyp, tańdaǵan jolymyzdan taımaımyz», — dedi olar.
İİM-de «Аlkogólsiz aýyl» bastamasy azamattar arasynda joǵary senim, jaýapkershilik jáne zańǵa qurmet deńgeıin kórsetetinin qosty. Buǵan deıin Atyraý oblysynda 57-shi eldi meken — Toman aýyly «sergek» mártebesin alsa, Shyǵys-Qazaqstan oblysynda «Sergek, zańǵa baǵynatyn aýyl» jobasyna taǵy bir aýyl qosyldy.