Abaı oblysynda tańǵy patrúldik shara 49 jastaǵy Mazda 626 júrgizýshisi úshin aýyr saldarǵa ákeldi: ol jeti jylǵa júrgizýshi kýáliginen aıyrylyp, 15 táýlikke qamaýǵa alyndy, dep habarlaıdy infohub.kz saıty.
Abaı oblysynda tańǵy patrúldik shara kezinde polısıa qyzmetkerleri Mazda 626 kóligin baıqap, tekserý úshin toqtatty. İİM vedimistik saıtynda habarlanǵandaı, rúlde 49 jastaǵy er adam bolǵan. Qujattardy tekserý kezinde polıseıler аlkogól ıisin sezbegen, alaıda júrgizýshiniń sóıleýi men qımyldary túsiniksiz bolǵanyn baıqaǵan.
«Medısınalyq kýálandyrý qorytyndysy boıynsha, júrgizýshi esirtkilik masań kúıde bolǵan», — delingen jarıalanymda.
Er adamǵa qatysty ákimshilik is qozǵaldy. Materıaldar sotqa jiberildi, al kólik aıyppul turaǵyna qoıyldy.
Polısıa аlkogóldik, esirtkilik nemese ýytty masań kúıde kólik júrgizý, sondaı-aq mundaı adamǵa basqarýdy tapsyrý qoǵamǵa joǵary qaýip tóndiretin quqyq buzýshylyqtarǵa jatatynyn eske saldy.
«Mundaı áreketter úshin 15 táýlikke deıin qamaýǵa alý jáne 7 jylǵa kólik quralyn basqarý quqyǵynan aıyrý túrindegi qatań jaza qarastyrylǵan», — dep habarlady polısıa.
Sondaı-aq quqyq qorǵaý organdary júrgizýshilerdi jol qozǵalysy erejelerin saqtaýǵa jáne masań kúıde rúlge otyrmaýǵa shaqyrdy, mundaı áreketter jol qozǵalysyna qatysýshylardyń ómiri men densaýlyǵyna tikeleı qaýip tóndiretinin atap ótti.