Afrıka fýtbol konfederasıasy (KAF) ulttyq federasıalardy FIFA-nyń komersıalyq qurylym FIFA Forward Enterprise qurý jónindegi daýly jobasyn zerdeleýge shaqyrdy. Buǵan deıin bul joba Eýropa men Azıa tarapynan synǵa ushyraǵan bolatyn. Bul týraly infohub.kz saıty habarlaıdy.
Buǵan deıin FIFA basshysy federasıalarǵa qosymsha sýbsıdıalar alý úshin FIFA Forward Enterprise komersıalyq qurylymyn qurýdy qoldaýdy usynǵan edi. Atalǵan bastamany Eýropalyq fýtbol asosıasıalar odaǵy (ÝEFA), Soltústik jáne Ortalyq Amerıka men Karıb baseıni elderiniń fýtbol konfederasıasy (KONKAKAF) jáne Azıa fýtbol konfederasıasy (AFK) aıyptady.
"Osy konsýltasıalyq proses aıasynda KAF prezıdenti Patrıs Motsepe kelesi aptada atqarý komıtetiniń otyrysyn ótkizip, basqa máselelermen qatar FIFA Forward Enterprise bastamasyn baǵalaıdy. Sondaı-aq KAF óziniń múshe-assosıasıalaryn FIFA Forward Enterprise usynysyn zerdeleýge jáne KAF pen FIFA reglamenti men belgilengen rásimderge sáıkes konsýltasıalyq úderiske qatysýǵa shaqyrady", — dedi uıymda.
KAF óz múshe-assosıasıalarymen, FIFA-men, basqa fýtbol konfederasıalarymen jáne múddeli taraptarmen konsýltasıalar men yntymaqtastyqty jalǵastyrýǵa ýáde berdi. Bul — Afrıkadaǵy jáne búkil álemdegi fýtboldy damytý men ósirý úshin qarjylyq jáne basqa resýrstardy ulǵaıtý maqsatynda.
Jospar boıynsha, FIFA Forward Enterprise kómegimen 2027 jyldan bastap 211 ulttyq asosıasıanyń árqaısysy FIFA Forward jáne FIFA Fast-Forward baǵdarlamalary boıynsha tórt jyldyq sıkl ishinde 40 mıllıon dollarǵa deıin ala alady. Al 12 jyl ishinde tólemder kólemi shamamen 86 mıllıon dollardy quraýy múmkin.
Buǵan deıin FIFA jospary erler, áıelder álem chempıonattary men klýbtyq álem chempıonaty sıaqty negizgi aktıvterdi basqarý úshin kompanıa qurý ekeni habarlanǵan bolatyn. Joba boıynsha Donald Tramp ákimshiligine jaqyn adamdarmen keńesýler júrgizildi. Bul aqparatty FIFA resmı túrde rastady.