Chechen Respýblıkasy basshysynyń úlken uly, úkimet tóraǵasynyń orynbasary, dene shynyqtyrý jáne sport mınıstri Ahmat Qadyrov aımaqtyq eń joǵary nagrada — Chechná Batyry ataǵyna ıe boldy, dep habarlaıdy infohub.kz saıty.
Tıisti ókimdi 7 tamyzda Chechen Respýblıkasy úkimetiniń tóraǵasy Magomed Daýdov qol qoıdy. Ol óziniń Telegram-arnasynda jıenin joǵary ataqpen quttyqtap, bul qurmetti nagrada Ahmat Qadyrovtyń respýblıka men onyń halqy aldyndaǵy jeke eńbeginiń, sondaı-aq dene shynyqtyrý men sportty damytýǵa qosqan zor úlesiniń laıyqty baǵasy ekenin atap ótti.
Daýdovtyń aıtýynsha, Ahmat Qadyrovtyń tikeleı qatysýymen sport ınfraqurylymyn jetildirý, jas talanttardy qoldaý, jańa jeńisterge jaǵdaı jasaý jáne salaýatty ómir saltyn nasıhattaý boıynsha aýqymdy jáne júıeli jumys júrgizilýde.
Buǵan deıin Ramzan Qadyrovtyń 18 jastaǵy uly taǵy bir nagrada alǵany habarlanǵan bolatyn. Al Chechná basshysy Ramzan Qadyrov óziniń 17 jastaǵy uly Adamnyń nagradalaryn laıyqty dep sanamaıtyndarǵa onymen jeke sóılesýdi usyndy.