Qazaqstanda áskerge shaqyrylýshylardy ásker túrleri men tegine bólýde jasandy ıntellekt qoldanyla bastady, dep habarlaıdy infohub.kz saıty.
Qorǵanys mınıstrliginiń málimetinshe, jasandy ıntellekt respýblıkanyń shaqyrý komısıalarynyń jumysyna engizildi — ol merzimdi áskerı qyzmetti óteý úshin eń ońtaıly baǵytty usynýǵa kómektesedi.
«Shaqyrylýshynyń antropometrıalyq derekteri men bilim deńgeıine súıene otyryp, júıe tıisti ásker túrleri men teginde qyzmet ótý úshin eń ońtaıly baǵyt boıynsha usynystar qalyptastyrady», — dep naqtylady qorǵanys vedomstvosy.
Atalǵan qural barlyq deńgeıdegi shaqyrý komısıalaryna qoljetimdi jáne shaqyrylýshylardy bólýdiń obektıvtiligi men tıimdiligin arttyrýǵa múmkindik beredi.
«Sıfrlandyrýdyń mańyzdy nátıjeleriniń biri — azamattardy densaýlyq jaǵdaıyna baılanysty merzimdi áskerı qyzmetten bosatý rásiminiń elektrondyq formatqa kóshirilýi. Avtomattandyrý qajetti rásimderdi ótý merzimderin qysqartyp, sheshim qabyldaýdyń jedeldigin arttyrdy. Sonymen qatar, merzimdi áskerı qyzmetke shaqyrylǵan azamattardy qyzmettiń búkil kezeńinde mindetti áleýmettik medısınalyq saqtandyrý jarnalaryn tóleýden bosatý prosesi avtomattandyryldy», — dep qosty Qorǵanys mınıstrligi.
Vedomstvo avtomattandyrý shaqyrylýshylardyń jınaq pýnktterine jeke kelý qajettiligin joqqa shyǵarmaıtynyn naqtylady. Zańnamaǵa sáıkes merzimdi áskerı qyzmetke shaqyrý týraly sheshimdi onlaın formatta júrgizý múmkin emes medısınalyq kýálandyrý nátıjeleriniń negizinde tek shaqyrý komısıasy qabyldaıdy.