InfoHub Logo

Tanymal ánshi Sáken Qalymov ómirdegi eń úlken ókinishi týraly ashyq aıtyp, jan syryn tókti. Ol «Myń bir tún» baǵdarlamasyna bergen suhbatynda otbasynyń qadirin der kezinde bilmegenine qynjylysyn bildirdi.

Bul týraly Infohub.kz aqparat agenttigi habarlaıdy.

Otbasynyń qadirin bilmegenime ókinemin

Ánshiniń aıtýynsha, jastyq shaqtaǵy shalqyǵan ómir, ishimdik pen serilik saldarynan jary men balasynyń baǵasyn túsinbegen.

«Qudaıdyń qosqan jarynyń, otbasynyń qadirin bilmedik. Sondaı ókinishterim bar. Al ónerge degen ókinish joq. Jarymnyń, balamnyń qadirin bilmeı, ajyrasqanyma ókinemin», – dedi ol.

Qalymov óziniń qatelikterin moıyndap, ony moıyndaýdy erlikke balap otyr. Ol óziniń kináli ekenin aıtyp, zamanǵa nemese jaryna syltaý izdemedi.

Ulymen aradaǵy qarym-qatynas

Ánshi ulymen aradaǵy baılanystyń úzilgenin de jasyrmady. Degenmen, ol ulynyń ókpesin túsinetinin jáne oǵan renjimeıtinin aıtty.

«Ázirge ortamyzda múldem baılanys joq. Túsinemin, ókpelemeımin, ol kisilerdiki durys. Duǵadamyn, bir jolyqsaq keshirim surap, syı-syıapat jasap, kóńilderin tapsam dep júrmin. Ol kún de alys emes», – dedi ánshi.

Sáken Qalymovtyń birinshi áıelinen uly, ekinshi áıelinen qyzy bar. Qazirgi ýaqytta qyzymen aralasyp turady.