Aqmola oblysynda Ereımentaý aýdanynyń 43 jastaǵy turǵyny mas kúıinde jol-kólik oqıǵasyn jasap, apatqa qatysýshy ekinshi júrgizýshige buraǵyshpen qaýip tóndirgen, dep habarlaıdy infohub.kz saıty.
Aqmola oblysy polısıa departamentiniń baspasóz qyzmetiniń málimetinshe, oqıǵa Ereımentaý qalasyndaǵy Abylaı han kóshesinde bolǵan. VAZ-2107 jáne Toyota Camry kólikteri arasynda shamaly soqtyǵys oryn alǵan. Alaıda otandyq jeńil kóliktiń júrgizýshisi jaǵdaıdy belgilengen tártippen retteýdiń ornyna, kólikten shyǵyp, buraǵysh alyp, apatqa qatysýshy ekinshi júrgizýshige dene jaraqatyn salamyn dep qorqytqan. Jábirlenýshi dereý polısıaǵa habarlasqan.
Oqıǵa ornyna kelgen tártip saqshylary apat kinásiniń mas kúıinde ekenin anyqtaǵan. Sonymen qatar, ol buǵan deıin mas kúıinde kólik júrgizgeni úshin kólik júrgizý quqyǵynan aıyrylǵan.
Osy faktiler boıynsha polıseıler eki sotqa deıingi tergeýdi bastady: qaýip tóndirý faktisi jáne kólik júrgizý quqyǵynan aıyrylǵan adamnyń qaıtadan mas kúıinde kólik júrgizý faktisi boıynsha.