Aqmola oblysynda uıymdasqan qylmys tobynyń qyzmeti týraly rezonanstyq qylmystyq isti qaraý aıaqtaldy. Olardyń músheleri shamamen 2 mlrd teńgege zańsyz nesıe rásimdegen, dep habarlaıdy infohub.kz saıty.
Oblys prokýratýrasynyń málimetinshe, bıyl mamandandyrylǵan prokýrorlar asa iri kólemde alaıaqtyq jasady dep aıyptalǵan uıymdasqan qylmys tobynyń 21 múshesine qatysty tergeýdi aıaqtaǵan.
Tergeý barysynda anyqtalǵandaı, qylmyskerler azamattardy aldap, olardyń jeke derekterin paıdalanyp, ekinshi deńgeıli bankter men mıkroqarjy uıymdarynan nesıe rásimdegen. Keltirilgen zalaldyń jalpy somasy shamamen 2 mlrd teńgeni quraǵan.
Aqmola oblysynyń qylmystyq ister jónindegi mamandandyrylǵan aýdanaralyq sotynyń 2026 jylǵy 5 tamyzdaǵy úkimimen barlyq 21 aıyptalýshy kináli dep tanyldy. Olarǵa 5 jyldan 10 jylǵa deıin bas bostandyǵynan aıyrý jazasy taǵaıyndaldy.
Sonymen qatar, qylmystyq jolmen satyp alynǵan múlik, onyń ishinde Almatydaǵy páterler, Lexus LX 570, Toyota Land Cruiser 200, Toyota Camry jáne basqa da qymbat kólikter memleket kirisine alyndy.
Sot úkimi zańdy kúshine engen joq.
Eske salaıyq, buǵan deıin osy sotta nesıe rásimdeý maqsatynda adamdardy urlaý aıyptary qaralǵan bolatyn. Aıyptalýshylarǵa 10 jylǵa deıin bas bostandyǵynan aıyrý jazasy suralǵan edi.