Aqtaýda top jasóspirimder mektep oqýshysyn aıaýsyz soqqyǵa jyǵyp, oqıǵany beınejazbaǵa túsirip, qurbysyna qorqytyp jibergen. Zardap shekken balanyń ápkesi áleýmettik jelide oqıǵany baıandap berdi, dep habarlaıdy infohub.kz.
Qyzdyń aıtýynsha, onyń inisi tańerteń dúkenge shyqqanda, 16-17 jastaǵy eki jasóspirim ony toqtatyp, dosyna qońyraý shalyp, úıden shaqyrýdy talap etken. Dosy shyǵýdan bas tartqan soń, olar uryp-soǵýdy telefonǵa túsirip, dosyna: «Shyqpasań, dosyńdy osylaı uramyz» degen habarlamamen jibergen.
Zardap shekkenniń ápkesi mundaı áreketterdiń shekten shyqqanyn atap ótti: «Bul endi adamgershilikke jatpaıdy, óltirýge de alyp kelýi múmkin». Shabýyldan keıin jasóspirim aýrýhanaǵa jetkizilip, dárigerler kompúterlik tomografıa jasap, shuǵyl túrde aýrýhanaǵa jatqyzǵan.
Mańǵystaý oblysy polısıa departamenti oqıǵanyń bolǵanyn rastady. Bul is boıynsha top adamdar jasaǵan buzaqylyq baby boıynsha qylmystyq is qozǵaldy. Vedomstvonyń baspasóz qyzmetinde mundaı áreketter aýyr qylmys retinde saralanatynyn, janjalǵa qatysýshylardyń barlyǵy anyqtalyp, zańdy ókilderimen birge polısıaǵa jetkizilgenin atap ótti.
Qazirgi ýaqytta barlyq qajetti tergeý amaldary júrgizilýde. Sonymen qatar, kámeletke tolmaǵandardyń zańdy ókilderi ata-analyq mindetterin tıisinshe oryndamaǵany úshin jaýapkershilikke tartyldy. İs materıaldary kámeletke tolmaǵandar isi jónindegi komısıaǵa qaraýǵa jiberildi.