Aqtóbede polıseıler qala kóshelerinde qaýipti manevr jasaǵan júrgizýshilerdi jaýapkershilikke tartty. Olardyń biri «Óner ortalyǵy» aldyndaǵy alańda drıft jasasa, ekinshisi úılený toıynyń kerýeni kezinde kólikten syrtqa shyǵyp turǵan jolaýshylardy tasymaldaǵan, dep habarlaıdy infohub.kz saıty.
İİM saıtynyń málimetinshe, áleýmettik jelilerdi monıtorıńteý barysynda polısıa qyzmetkerleri Aqtóbedegi «Óner ortalyǵy» aldyndaǵy alańda BMW kóliginiń júrgizýshisi drıft jasap jatqan vıdeony anyqtaǵan. Júrgizýshi anyqtalyp, jaýapkershilikke tartyldy. BMW kóligi arnaıy aıyppul turaǵyna qoıyldy.
Taǵy bir jaǵdaıda polısıa qyzmetkerleri úılený toıynyń quramynda kele jatqan Chery Tiggo kóligin anyqtady. Júrgizýshi qaýipti manevrler jasaǵan, al jolaýshylar kólikten syrtqa shyǵyp, jol qozǵalysy qaýipsizdigine qater tóndirgen. Júrgizýshige qatysty úsh ákimshilik hattama, al jolaýshylarǵa qatysty taǵy eki ákimshilik hattama toltyryldy. Kólik te arnaıy aıyppul turaǵyna qoıyldy.
Polısıa jol qozǵalysyna qatysýshylardy jol erejelerin qatań saqtaýǵa shaqyrady. «Qaýipti manevrler, kólikti ádeıi kórsete basqarý jáne jolaýshylardy belgilengen talaptardy buza otyryp tasymaldaý azamattardyń ómiri men densaýlyǵyna naqty qater tóndiredi», — dep málimdedi İİM.