Aqtóbe oblysynda gazelektrdánekerleýshi jumys barysynda kótergish mehanızmnen (lıftten) qulap, aýyr jaraqat aldy. Oqıǵa óndiriste bolǵan, odan keıin zardap shegýshi jazataıym oqıǵa boıynsha arnaıy tergeý nátıjelerine daý aıtty, dep habarlaıdy infohub.kz saıty.
Aqtóbe oblysy sottarynyń resmı Telegram-arnasynda habarlanǵandaı, arnaıy tergeý komısıasy jumys berýshiniń kinásin 80%, al jumysshynyń kinásin 20% dep anyqtap, sońǵysynyń óreskel abaısyzdyǵyn negizge alǵan. Alaıda sot jumys berýshiniń jumysshyny qaýipsizdik jáne eńbekti qorǵaý boıynsha mindetti nusqaýlyqsyz jumysqa jibergenin, qaýipsiz eńbek jaǵdaılaryn qamtamasyz etpegenin jáne jumysty tıisti túrde uıymdastyrmaǵanyn anyqtady. Jumysshynyń óreskel abaısyzdyǵy týraly dálelder tabylmady.
Nátıjesinde Aqtóbe oblysynyń SMAS jumysshynyń ákimshilik talabyn qanaǵattandyryp, kiná dárejesin bólý bóliginde arnaıy tergeý aktisin zańsyz dep tanydy, jazataıym oqıǵanyń sebebi jumys berýshiniń qaýipsiz eńbek jaǵdaılaryn qamtamasyz etpeýi ekenin kórsetti. Jumys berýshiniń kinási 100%, jumysshynyń kinási 0% dep belgilendi.
Aqtóbe oblystyq sotynyń qaýlysymen SMAS sheshimi ózgerissiz qaldyryldy. Ákimshilik ister jónindegi kasasıalyq sot sottardyń tujyrymdarymen kelisip, jazataıym oqıǵanyń mán-jaılaryn, sebeptik baılanysty jáne taraptardyń kiná dárejesin anyqtaý arnaıy tergeý aktisiniń zańdylyǵyn tekserý kezinde sottyń quzyretine jatatynyn atap ótti.