2025 jyldyń shildesinde Qaratóbe aýdanynyń prokýratýrasy WhatsApp messendjeriniń paıdalanýshylarynyń aqshasyn urlaǵan alaıaqtar tobynyń isin sotqa joldady, dep habarlaıdy infohub.kz saıty.
Alaıaqtar qazaqstandyqtarmen hat almasyp, ózderin olardyń týystary retinde tanystyryp, ártúrli syltaýlarmen aqsha aýdarymdaryn alyp otyrǵan.
Alaıaqtyq sqemaǵa dropper dep atalatyn adam belsendi qatysqan, onyń banktik shoty arqyly shamamen 5 mln teńge kólemindegi aqsha qarajaty shyǵarylǵan.
Sotqa deıingi tergeý barysynda olardyń ınternet-alaıaqtyqtyń 15 epızodyna qatysy anyqtaldy. Jábirlenýshiler arasynda Batys Qazaqstan, Aqtóbe, Almaty, Jambyl, Qyzylorda, Túrkistan oblystarynyń, sondaı-aq Jetisý oblysy men Almaty qalasynyń turǵyndary bar. Sot úsh alaıaqtyń da kinásin tolyq dáleldendi dep tanydy. Bıylǵy jyldyń maýsym aıynda olardyń ekeýi 3 jyldan 4 jyl 1 aıǵa deıingi merzimge bas bostandyǵynan aıyrylsa, bireýi 3 jylǵa bas bostandyǵyn shekteý jazasyna kesildi.
Sonymen qatar, sot jábirlenýshilerdiń azamattyq talaptaryn tolyq qanaǵattandyrdy.
Úkim zańdy kúshine engen joq.