Jetisý oblysyndaǵy Alakol kóliniń jaǵalaýy Qazaqstandaǵy eń tanymal demalys oryndarynyń biri bolyp qala beredi. Óńirge jumys sapary aıasynda týrızm jáne sport vıse-mınıstri Mıras Tólebaev oblys ákiminiń orynbasary Marlen Kólbaevpen birge kýrorttyq aımaqty tekserip, ınfraqurylymdyq ózgeristerdi, sanıtarlyq jaǵdaıdy jáne qaýipsizdik sharalaryn baǵalady, dep habarlaıdy infohub.kz saıty.
Ótken maýsymdardyń qorytyndysy boıynsha Alakol tanymaldylyǵynyń turaqty ósýin kórsetip otyr. İshki týrısik aǵym 382 myń adamǵa jetip, 11%-ǵa ósken. Sheteldikter tarapynan da qyzyǵýshylyq aıtarlyqtaı artty — sheteldik qonaqtar sany 60%-ǵa ósip, 8,2 myń adamdy qurady. Qazirgi tańda jaǵalaýda 224 ornalastyrý nysany jumys isteıdi, olar bir ýaqytta 21 myńnan astam demalysýshyny qabyldaı alady.
Tekserý barysynda elektrmen jabdyqtaý nysandarynyń qurylysy aıaqtalǵany, Aqshı aýylynda káriz jelileriniń qurylysy, sondaı-aq tazartý qurylǵylary, komýnaldyq jaǵajaılar jáne Lepsy stansıasyndaǵy jańa temirjol vokzalyn salý jumystary atap ótildi, dep habarlady Týrızm mınıstrliginiń baspasóz qyzmeti.
Qaýipsizdikti qamtamasyz etý úshin 40 qutqarý munarasy, 13 km buıyq jelileri jáne 7 pırs jumys isteıdi. Kún saıyn tártipti polısıa qyzmetkerleri qamtamasyz etedi, sýda táýlik boıy qutqarýshylar kezekshilik etedi. Maýsym bastalǵannan beri 150-den astam profılaktıkalyq reıd júrgizildi, dep qosty vedomstvodaǵylar.
Eske sala keteıik, Alakol bıyl rekordtyq 2 mln týrısi qabyldaı alady. Bul týraly úkimet otyrysynda Jetisý oblysynyń ákimi Beıbit Isabaev baıandady.