Almaty oblysynyń Alataý qalasynda zardap shegýshi men kýá jalǵan aıǵaq bergeni úshin qylmystyq iske tartyldy, dep habarlaıdy infohub.kz.
Almaty oblysy sottarynyń resmı Telegram-arnasynda habarlanǵandaı, Alataý qalalyq soty zardap shegýshi men kýániń jalǵan aıǵaq berýine baılanysty jeke qaýly shyǵardy.
Sot adamnyń densaýlyǵyna qasaqana aýyr zıan keltirý (QK 106-babynyń 1-bóligi) boıynsha aıyptalǵan adamǵa qatysty qylmystyq isti qarady. Úkimmen ol 3 jyl 6 aıǵa bas bostandyǵynan aıyrylyp, jazasyn ortasha qaýipsizdik mekemesinde óteıtin boldy.
Sot isti qaraý barysynda zardap shegýshi men kýániń sottalýshyny jaýapkershilikten bosatý maqsatynda sotqa deıingi tergeý kezinde bergen alǵashqy aıǵaqtaryn ózgertkenin anyqtady, dep málimdedi sotta.
İsti qaraý nátıjesinde sot zardap shegýshi men kýániń áreketterinde QR QK 420-babynda kózdelgen qylmystyq quqyq buzýshylyq belgileriniń bolýyna baılanysty jeke qaýly shyǵardy. 2026 jylǵy 19 maýsymda Alataý qalasynyń polısıa bólimi zardap shegýshi men kýáge qatysty QK 420-babynyń 2-bóligi (Kórineý jalǵan aıǵaq berý) boıynsha qylmystyq is qozǵady. Jeke qaýly zańdy kúshine endi.