Tarazda sot jeke sot oryndaýshysynyń (JSO) alıment boıynsha ákesinen qaryz óndirýge qatysty qaýlylarynyń kúshin joıdy, dep habarlaıdy infohub.kz saıty.
Jambyl oblysy sottarynyń resmı Telegram-arnasynda habarlanǵandaı, mamandandyrylǵan aýdanaralyq ákimshilik sot áıeldiń jeke sot oryndaýshysyna qatysty alıment boıynsha bereshekti anyqtaýǵa baılanysty qaýlylardy zańsyz dep taný týraly talap aryzyn qarady.
Atqarýshy qujat negizinde ákeden talapkerdiń paıdasyna kámeletke tolmaǵan balany asyraý úshin jalaqysy men ózge de tabysynyń 1/4 bóligi mólsherinde alıment óndirilip turǵan. 2024 jyldyń jeltoqsanynda JSO 2021-2024 jyldar aralyǵyndaǵy alıment boıynsha bereshekti 3,2 mln teńge dep anyqtady.
Alaıda 2025 jyldyń tamyzynda talapker JSO-ǵa ótinish berip, onda qaryzdy keshiretinin málimdegen. Osy ótinish negizinde jaýapker bereshek týraly qaýlyny kúshin joıdy. Keıinirek, 2026 jyldyń sáýirinde JSO qaıtadan bereshekti anyqtady, biraq bul joly qysqa merzimge jáne 513 myń teńge mólsherinde.
Kelispegen talapker sotqa júgindi. Ol qaryzdy keshirý týraly ótinishti qaryzdardyń birneshe ret qaıtalap kóndirýiniń áserinen jazǵanyn túsindirdi.
Sot alıment alý quqyǵy tikeleı balaǵa tıesili ekenin, ata-anaǵa emes ekenin atap ótti. Sondyqtan ata-ana balaǵa tıesili aqsha qarajatynan óz betinshe bas tartýǵa quqyǵy joq.
Zańnamaǵa sáıkes, kámeletke tolmaǵan balalarǵa alıment boıynsha bereshekti óteýden bosatý tek sot sheshimimen ǵana múmkin. JSO mundaı ókilettikke ıe emes. Sot sondaı-aq bereshekti esepteý kezinde 3,2 mln teńge somasyn eskerý qajettigin kórsetti.
Nátıjesinde sot talap aryzdy tolyq qanaǵattandyryp, JSO-nyń eki qaýlysyn da zańsyz dep tanyp, kúshin joıdy. Sheshim zańdy kúshine engen joq.