Qazaqstandyq balýan Alınýr Tóleýǵalı Bakýde ótip jatqan 17 jasqa deıingi balýandar arasyndaǵy álem chempıonatynda qola medal jeńip aldy, dep habarlaıdy infohub.kz.
Sportshy 71 kelige deıingi salmaq dárejesinde synǵa tústi. Jubanysh raýndynda moldovandyq Bogdan Tolmachı men ýkraınalyq Roman Ivanúkti jeńip, qola úshin beldesýde ırandyq Esmaıl Zaherdýsty senimdi túrde utty.
Taǵy bir qazaqstandyq Qýanyshbek Janajol (51 kg) repeshaj arqyly medal alýǵa úmitti edi, alaıda ekinshi jubanysh raýndynda armándyq Gevorg Arýtúnánnan utylyp qaldy.
Qazaqstannyń grek-rım kúresi boıynsha jasóspirimder quramasy álem birinshiligin úsh medalmen aıaqtady. Buǵan deıin Dıar Amanalı (55 kg) altyn, al Álı Almas (48 kg) kúmis júldege ıe boldy.
Qyzdar arasyndaǵy jarysta Aısha Ábdimálik (65 kg) fınalǵa shyǵyp, monǵolıalyq Arıýnzýl Boldbaatarmen kezdesedi. Aıanat Meınambaı (49 kg) jartylaı fınalǵa deıin jetip, ýkraınalyq Olena Kolýbaıdan utyldy; endi ol qola úshin beldesedi, qarsylasy keıin anyqtalady. Baǵjan Qurmanbaı (73 kg) da medalǵa úmitin saqtap otyr – jubanysh raýndynda ıspandyq Paýla Benaısha Perespen kezdesedi. Danara Daırbekova (43 kg) men Arına Qýanyshova (57 kg) bastapqy kezeńde jeńilip, júldege talasýdan shyǵyp qaldy.
17 jasqa deıingi balýandar arasyndaǵy álem chempıonaty Bakýde (Ázirbaıjan) 27 shilde men 2 tamyz aralyǵynda ótýde. Oǵan 675 sportshy qatysyp, 30 júlde jıyntyǵy sarapqa salynady (grek-rım, erkin jáne áıelder kúresinen on-onnan).