Almatyda «Atakent» kórme kesheniniń mańynda belgisiz er adam balalar tobyna shabýyl jasaǵan oqıǵany polısıa tergep jatyr. Málimetterge sáıkes, kúdikti 10 jasar uldyń betinen uryp, balalardy óltiremin dep qorqytqan. Quqyq qorǵaý organdary sotqa deıingi tergeýdi bastady, dep habarlaıdy infohub.kz saıty.
Zardap shekken balanyń anasynyń aıtýynsha, aldymen er adam qyzdy urmaq bolǵan, biraq ol úlgerip qashyp ketken. Sodan keıin ol onyń 10 jasar ulynyń kózine judyryqpen soqqy jasaǵan. Balanyń dene jaraqaty tirkelgen, kóziniń asty kógergen.
Áıeldiń sózinshe, baqytqa oraı, jaqyn jerde Qorǵanys mınıstrliginiń Bitimgershilik daıarlyq ortalyǵynyń áskerı qyzmetshileri bolǵan. Olar er adamdy dereý ustap, polısıany shaqyryp, kelgen qyzmetkerlerge tapsyrǵan.
Áskerı qyzmetshilerdiń aıtýynsha, ustaý kezinde er adam qazaqtardy jek kóretinin aıqaılap, sodan keıin balalarǵa qaraı bet alyp, olardy «pyshaqtap tastaımyn» dep qorqytqan.
Zardap shekken balanyń ata-anasy polısıaǵa aryz jazǵan, balanyń dene jaraqaty tirkelgen.
Kúdikti ustalyp, polısıaǵa jetkizildi. Qazirgi ýaqytta oqıǵanyń barlyq mán-jaıy anyqtalyp jatyr.
«Qazaqstan Respýblıkasynyń zańnamasyna sáıkes mindetti túrde quqyqtyq baǵa berilip, prosesýaldyq sheshim qabyldanady», — dep túıindedi polısıada.