15 tamyz, beısenbi kúni Almaty men Atyraýda aýanyń lastanýyna yqpal etetin qolaısyz meteorologıalyq jaǵdaılar kútilýde, al túnde olarǵa Óskemen qosylady, dep habarlaıdy infohub.kz saıty.
«Qazgıdromet» mamandarynyń túsindirýinshe, qolaısyz meteorologıalyq jaǵdaılar (QMJ) — bul tymyq aýa raıy, álsiz jel, tuman jáne ınversıa sıaqty qysqa merzimdi meteorologıalyq faktorlardyń jıyntyǵy, olar atmosferanyń jerge jaqyn qabatynda zıandy zattardyń jınalýyna ákeledi. QMJ paıda bolǵan kezde eldi mekenderde aýa sapasy nasharlaýy múmkin. Lastaný deńgeıi kóbinese jel, jaýyn-shashyn, ylǵaldylyq pen temperatýrany qamtıtyn sınoptıkalyq jaǵdaıdyń boljamyna baılanysty.
Qolaısyz jaǵdaılarǵa baılanysty mamandar ashyq aýada, ásirese avtomobıl joldarynyń jáne basqa da lastaný kózderiniń janynda bolý ýaqytyn qysqartýdy usynady. Balalar men júkti áıelderge uzaq serýenderden bas tartqan jón. Ókpeniń sozylmaly aýrýlary, júrek-qan tamyrlary jáne alergıalyq aýrýlary bar adamdar kóshede júrgende dári-dármekterin ózderimen birge alyp júrýleri kerek. Sondaı-aq ashyq aýada fızıkalyq júktemeni shekteý, al dene shynyqtyrý jáne sportpen jabyq keshenderde aınalysý usynylady.