Almatyda er adam qoǵamdyq kólikte kishkentaı balaǵa qol tıgizgeni úshin ákimshilik jaýapkershilikke tartyldy. Oqıǵa №129 avtobýsta bolǵan, dep habarlaıdy infohub.kz.
Threads áleýmettik jelisindegi malikam_yusupova atty qoldanýshy bolǵan oqıǵa týraly jazba jarıalady. Onyń aıtýynsha, avtobýsqa áıel balasymen kirgen. Bala er adamnyń qasyna otyrǵan, al anasy aldyńǵy orynǵa jaıǵasqan. Aldymen áıel er adamdy balanyń ákesi dep oılaǵan, óıtkeni ol balamen oınaı bastaǵan. Alaıda keıin ol er adamnyń balany tym erkin ustap, artynan jynys múshelerine deıin qolyn tıgizgenin baıqaǵan.
Kýáger anasyna jaqyndap, er adamnyń balanyń ákesi me dep suraǵan. Áıel teris jaýap bergen. Sodan keıin jazba avtory anaǵa bolǵan jaǵdaıdy aıtqan. Ol sondaı-aq er adamdy beıneǵa túsirgen. Er adam onyń aıaldamasynda túskende, ol oǵan aıtaryn aıtyp, aryz jazatynyn eskertken. Jaýap retinde er adam kúlimsirep, jaı ǵana oınaǵanyn, balanyń jynys múshelerine birneshe ret qolyn tıgizgenin aıtqan.
Almaty polısıa departamenti jarıalanymǵa jaýap berdi. Vedomstvo Alataý aýdany polısıa basqarmasy qyzmetkerleri tekserý júrgizgenin habarlady. Er adamnyń jeke basy anyqtalyp, ol polısıa basqarmasyna jetkizildi. Tekserý nátıjesinde er adam Qazaqstan Respýblıkasynyń zańnamasyna sáıkes ákimshilik jaýapkershilikke tartyldy.