31 tamyz ben 14 qyrkúıek aralyǵynda Almatyda salynyp jatqan turǵyn úı keshenine ınjenerlik jelilerdi tartý jumystaryna baılanysty bir kóshede kólik qozǵalysy ishinara shekteledi, dep habarlaıdy infohub.kz saıty.
Qalalyq energetıka jáne sýmen jabdyqtaý basqarmasynyń málimetinshe, jumystar Almaly aýdanynda júrgiziledi. Jeliler salynyp jatqan «Shevchenko-Baızaqova» turǵyn úı keshenine tartylýda. Osyǵan baılanysty Baızaqov kóshesiniń Jambyldan Shevchenkoǵa deıingi bóliginde kólik qozǵalysy ishinara shekteledi. Júrgizýshilerden ýaqytsha shekteýlerdi eskerip, jol marshrýtyn aldyn ala josparlaý suralady.
Vedomstvo jumystar úsh ýchaskede júrgiziletinin naqtylady. Jylý jelileri Jambyl kóshesi, 168a mekenjaıyndaǵy qosylý núktesinen salynyp jatqan ǵımaratqa deıin tartylady. Sý qubyry jáne sý burý jelileri — Baızaqov kóshesi, 232 mekenjaıyndaǵy qosylý núktelerinen nysanǵa deıin.
Injenerlik jelilerdi tartý jumystaryn Qazaq Stroy kompanıasy júrgizedi. Joba aıasynda káriz jelilerin montajdaý jáne keıinnen aýmaqty abattandyrý da qarastyrylǵan. Barlyq jumystardy 2026 jyldyń 18 qyrkúıegine deıin aıaqtaý josparlanýda.
Basqarma turǵyndar men júrgizýshilerge ýaqytsha qolaısyzdyqtardy túsinistikpen qabyldap, júrip-turýdy josparlaý kezinde shekteýlerdi eskerýdi jáne jumys júrgizilip jatqan jerdiń mańynda qaýipsizdik sharalaryn saqtaýdy suraıdy.