Almaty polısıasy qazaqstandyqtarǵa qoǵamdyq oryndarda syrtqy kelbetke qoıylatyn zań talaptaryn eske salyp, qandaı jaǵdaılarda betti jabýǵa bolatynyn aıtty, dep habarlaıdy infohub.kz saıty.
Almatyda quqyq qorǵaý organdary betti tanýǵa kedergi keltiretin kıim kıý týraly zańnama talaptaryn saqtaý boıynsha túsindirme jumystaryn júrgizýde. Mundaı buzýshylyq úshin ákimshilik jaýapkershilik qarastyrylǵan. Bul QR ÁQBtK-niń 434-3-babyna qatysty.
«Bul adamnyń syrtqy kelbetine qatysty emes, tek qoǵamdyq qaýipsizdik talaptaryna qatysty ekenin túsiný mańyzdy. Zań betti jabýǵa bolatyn naqty jaǵdaılardy qarastyrady», — dedi Jandos Qavlıev.
Onyń aıtýynsha, mundaı erekshelikterge medısınalyq kórsetkishter, belgili bir aýa raıy jaǵdaılary, qyzmettik jáne eńbek mindetterin atqarý, sondaı-aq sporttyq jáne mádenı-buqaralyq is-sharalarǵa qatysý jatady.
«Basqa jaǵdaılarda azamattar zańnama talaptaryn eskerýi qajet. Bizdiń mindetimiz — eń aldymen osy normalardy túsindirý jáne yqtımal buzýshylyqtardyń aldyn alý», — dep atap ótti Jandos Qavlıev.
Polısıada shekteýler adamnyń syrtqy kelbetine emes, dál betti taný múmkindigine qatysty ekenin atap ótti.