Qazaqstan Energetıka mınıstrligi «KEGOC» AQ jelileri boıynsha Almaty men Almaty oblysynda búgin bolǵan iri blekaýttan keıin elektrmen jabdyqtaýdyń tolyq qalpyna keltirilgenin habarlady, dep habarlaıdy infohub.kz saıty.
Vedomstvonyń baspasóz qyzmetinde atap ótilgendeı, qazirgi ýaqytta óńirlik energıamen jabdyqtaýshy uıymdar jekelegen tutynýshylardy kezeń-kezeńimen qosýda. Jaqyn arada elektrmen jabdyqtaý tolyq qalpyna keltiriledi dep kútilýde.
Energetıka mınıstrligi keıbir pablıkterde taraǵan Ózbekstandaǵy elektr qýatynyń úzilýi Qazaqstannyń energıa júıesindegi apattan boldy degen aqparatty joqqa shyǵardy. Bul derekter shyndyqqa sáıkes kelmeıdi.
Baspasóz qyzmetinde atap ótilgendeı, jaǵdaı Energetıka mınıstrliginiń baqylaýynda qalyp otyr.
Eske salaıyq, búgin Almaty men Almaty oblysynda iri blekaýt boldy. Sebep — Ortalyq Azıa energıa júıesi tarapynan elektr energıasy aǵynynyń kúrt ózgerýinen týyndaǵan energıa júıesindegi qýattyń artýy. Sonyń saldarynan apatqa qarsy avtomatıka iske qosylyp, respýblıkanyń keıbir óńirlerinde birqatar tutynýshylardyń elektr qýaty óshirildi.