Almatyda polısıa qyzmetkerleri psıhotroptyq zattardy taratty degen kúdikpen 22 jastaǵy er adamdy ustady. Onyń garajynda júrgizilgen tintý kezinde kútpegen jaǵdaı anyqtaldy: avtobólshekterdiń ornyna satýǵa daıyn untaq tárizdi zat salynǵan oramalar saqtalǵan, dep habarlaıdy infohub.kz saıty.
Almaty polısıa departamentiniń málimetinshe, jedel-izdestirý is-sharalary Túrksib aýdanynda júrgizildi. Ustalǵan adamnyń jaldamaly garajynan satýǵa daıyndalǵan psıhotroptyq zat salynǵan 70 orama tabyldy. Er adamnyń ózi zakladchık bolyp jumys istegenin jáne Almaty qalasy men Almaty oblysynyń aýmaǵyndaǵy taınıkter arqyly esirtki taratqanyn moıyndady. Ustalǵannan keıin ol jabdyqtalǵan zakladkalardyń ornyn kórsetti.
Keıingi tintýler barysynda polıseıler ónerkásip bazasy aýdanynan taǵy 120 oramany, al Baımaǵambetov kóshesindegi úsh taınıkten 167 dozany alyp qoıdy. Barlyǵy zańsyz aınalymnan psıhotroptyq zat boljamy bar 357 orama alyndy. Osy fakti boıynsha qylmystyq is qozǵalyp, sot-hımıalyq saraptama taǵaıyndaldy.