Almatyda polısıa qyzmetkerleri er adam men áıeldi ustady, olardyń kóliginen bejevyı tústi untaq tabyldy, dep habarlaıdy infohub.kz saıty.
Almaty polısıa departamentiniń baspasóz qyzmetiniń málimetinshe, qalada esirtkiniń zańsyz aınalymyna taǵy bir árekettiń joly kesildi. Esirtki qylmysyna qarsy kúres basqarmasynyń qyzmetkerleri Raıymbek dańǵylynda Hyundai Accent kóligin toqtatty. Kólikte er adam men áıel bolǵan. Júrgizilgen is-sharalar barysynda jolaýshy áıelden bejevyı tústi zat oralǵan býma tabyldy. Onyń salmaǵy shamamen 700 gramdy qurady.
Kólikti tekserý kezinde polıseıler áıelder sómkesin tapty. İshinde aq tústi zat salynǵan úsh zip-paket, kóptegen bos paketter jáne elektrondy tarazy boldy. Tabylǵan zattardyń bári alynyp, saraptamaǵa jiberildi.
Barlyq kúdiktiler qajetti prosestik is-sharalardy júrgizý úshin polısıa basqarmasyna jetkizildi. Osy fakti boıynsha qylmystyq is qozǵaldy. Qazir tergeý alynǵan zattardyń shyǵý tegin jáne ony megapolıste taratý arnasyn anyqtap jatyr.