Almatyda kýágerler tańǵajaıyp jol kortejin beınege túsirdi: tirkemesinde úlken raýshan gúl shoǵy bar gelendvagen. Beıne áleýmettik jelilerde tez tarap, qyzý talqyǵa tústi, dep habarlaıdy infohub.kz saıty.
Kadrlarda túngi qalada qarańǵyda kólik kele jatqany, al tirkemede qyzyl raýshandardan jasalǵan alyp gúl kompozısıasy ornatylǵany kórinedi. Gúl shoǵynyń ortasynda aq raýshandarmen alýshynyń aty — «Mılana» dep jazylǵan.
Áleýmettik jelilerdegi paıdalanýshylardyń reaksıasy jynysyna qaraı ekige bólindi. Qyzdar negizinen jigittiń jomarttyǵyna tánti bolyp, mundaı syılyq alǵandaryna qýanatyndaryn aıtady. Al er adamdar mundaı qadamdy aqshany bosqa shashý dep sanap, syılyq berýshini ájýalap, ony áıeliniń aıtqanynan shyqpaıtyn adam dep ataıdy. Tipti bir pikir qaldyrýshy gúldiń ornyna ózine jáne anasyna paıdaly nárse satyp alýdy usyndy.
Aıta keteıik, 14 aqpan nemese 8 naýryz sıaqty merekelerden keıin ınternette úlken qymbat gúl shoqtaryn satý týraly habarlandyrýlar jıi paıda bolady. Mysaly, OLX platformasynda gúldi syılyqqa alǵan áıelderdiń mundaı usynystaryn kezdestirýge bolady. Buǵan deıin Kursiv LifeStyle osyndaı habarlandyrýlardyń tańdaýyn jarıalaǵan bolatyn.
Sonymen qatar, qazaqstandyq mýzykant DASHXX qyzdarǵa syılaýǵa bolmaıtyn gúl kompozısıalarynyń antıreıtıngin jasady. Bul tizimde birinshi oryndy 101 raýshannan turatyn gúl shoǵy aldy.