Almatyda Kanada azamaty qaladaǵy mekemelerdiń birinde aǵylshyn tildi áıeldi orys tilinde balaǵattap, keıin bes táýlikke qamaldy, dep habarlaıdy infohub.kz.
Threads áleýmettik jelisindegi Kzo_travel paraqshasynda er adamnyń sheteldik áıelge dóreki sóılep jatqany beınelengen vıdeo paıda boldy. Jarıalanymda áıeldiń qasynda otyrǵan er adamnyń qorlaǵanyna shaǵymdanǵany aıtylǵan. Onyń aıtýynsha, ol jergilikti turǵyn emes nemese kóship kelgen bolýy múmkin. Áıel qaýipsizdik maqsatynda bolyp jatqan oqıǵany vıdeoǵa túsire bastaǵan, sodan keıin bardyń artyna tyǵylyp, qoǵamdyq orynda ózin qaýipsiz sezinbeı, jylaǵan.
Kadrlarda er adamnyń áıelge orys tilinde birneshe ret balaǵat sózder aıtqany, al áıeldiń oǵan aǵylshyn tilinde jaýap berip, agressıvti minez-qulqyn kórsetkeni kórinedi.
NUR.KZ tilshisi Almaty qalalyq polısıa departamentiniń baspasóz qyzmetine suraý jiberdi. Onda oqıǵa Abylaı han dańǵylyndaǵy mekemelerdiń biriniń janynda bolǵanyn túsindirdi. Tekserý barysynda er adamnyń jeke basy anyqtaldy — ol Kanada azamaty bolyp shyqty. Oǵan qatysty usaq buzaqylyq faktisi boıynsha ákimshilik is qozǵaldy. Sot sheshimimen ol 5 táýlikke ákimshilik qamaýǵa alyndy.