Almatyda ekonomıkalyq kontrabanda jáne kedendik tólemderdi tólemegeni úshin Qazaqstannyń eki azamaty ustaldy. Memleketke keltirilgen zalal 2,7 mlrd teńgeden asady, dep habarlaıdy infohub.kz saıty.
Bas prokýratýranyń málimetinshe, qylmystyq isti tergeý barysynda uıymdasqan qylmystyq toptyń (UQT) músheleri memleketke 2,7 mlrd teńgeden astam zalal keltirgeni anyqtaldy. İste 37 kompanıa bar, alaıda tergeý negizgi zalaldy dál osy eki affılırlengen kompanıa — «Metlink» jáne «Urban Green» keltirgenin anyqtady.
Qadaǵalaý organynyń habarlaýynsha, 2026 jylǵy 5 tamyzda QPK-niń 128–132-baptary tártibimen QK-niń 262-babynyń 1, 2-bólikteri — uıymdasqan topty basqarý jáne onyń qyzmetine qatysý, 234-babynyń 3-bóliginiń 2-tarmaǵy — qylmystyq top jasaǵan ekonomıkalyq kontrabanda jáne 236-babynyń 3-bóligi — qylmystyq top jasaǵan kedendik tólemderdi tólemeý baptary boıynsha qylmys jasady degen kúdikpen QR azamattary «Sh» jáne «A» ustaldy. Olar Almaty qalasy PD-nyń ýaqytsha ustaý ızolátoryna qamaldy.
2026 jylǵy 7 tamyzda tergeý soty atalǵan adamdarǵa qatysty bultartpaý sharasy retinde qamaýda ustaýdy sanksıalady. QPK-niń 201-babyna sáıkes ózge aqparat jarıalaýǵa jatpaıtyny atap ótildi.