Almatyda 20-26 tamyz aralyǵynda Muratbaev pen Kúrmet kóshelerinde jol jóndeý jumystaryna baılanysty kólik qozǵalysy ishinara shekteledi, dep habarlaıdy infohub.kz saıty.
Qala ákimdiginiń málimetinshe, Muratbaev pen Kúrmet kósheleriniń jekelegen ýchaskelerinde ortasha jóndeý jumystary júrgiziledi. Osyǵan baılanysty 20 tamyz saǵat 08:00-den 26 tamyz saǵat 08:00-ge deıin kólik qozǵalysyna shekteý engiziledi: Muratbaev kóshesinde Raıymbek batyr dańǵylynan Maqataev kóshesine deıingi ýchaske, al Kúrmet kóshesinde Dostyq dańǵylynan tuıyq kóshege deıingi ýchaske jabylady.
«Jóndeý júrip jatqan ýchaskelerde eskertý belgileri men merdiger uıym basshysynyń baılanys aqparaty jazylǵan stendter qoıylady. Óz baǵdaryńyzdy aldyn ala josparlaýdy suraımyz», — dep eskertti qala turǵyndary men qonaqtaryna.
Búgin sondaı-aq Jandosov kóshesinde 19 tamyzdan 23 tamyzǵa deıin kólik qozǵalysy ishinara shekteletini habarlanǵan bolatyn.