Almatyda qytaı avtokólikterin satýmen aınalysqan 40-qa jýyq kásipker 700 mln teńge joǵaltqanyn aıtyp otyr, dep habarlaıdy infohub.kz saıty.
Bıznesmender Qytaıdan avtokólikter satyp alyp, olardy satý úshin Almatydaǵy avtosalondardyń birine tapsyrǵan. Alaıda kólikter satylǵannan keıin aqsha ıelerine túspegen.
Zardap shekkenderdiń biri – Nurjan Boshtaı. Onyń aıtýynsha, eki aı buryn ol Changan CS55 Plus úlgisindegi eki krosover ákelgen. Kólikter salon arqyly satylǵan, biraq kásipker 18 mln teńgesin ala almaǵan.
Er adamnyń sózinshe, onyń kólikteri qaıta satyla bergen. Nátıjesinde bir kóliktiń ıesi úsh ret aýysqan, al qazir ol kepilge qoıylǵan.
Kásipkerlerdiń aıtýynsha, osyǵan uqsas máselege 40-qa jýyq satýshy tap bolǵan. Olardyń barlyǵy bir avtosalonmen jumys istegen.
Kásipkerler salon ıesiniń úsh núktesi bolǵanyn, al mundaı sqema bir jyldan astam ýaqyt jumys isteýi múmkin ekenin aıtady. Kólikter satylǵannan keıin salon ıesi baılanysqa shyqpaı qoıǵan. Olardyń sózinshe, ǵımarattyń ózi eki apta buryn mórlengen.
Zardap shekkender polısıaǵa júgingennen keıin kúdikti ýaqytsha ustaý ızolátoryna qamaldy. Asa iri kólemde jasalǵan alaıaqtyq faktisi boıynsha qylmystyq is qozǵaldy. Qazir qylmysqa qatysy bar adamdardyń toby anyqtalýda.
Kinási dáleldengen jaǵdaıda avtosalon ıesine jeti jylǵa deıin bas bostandyǵynan aıyrý jazasy qaýip tónip tur.
Biraq kásipkerler óz aqshalary men kólikteri úshin kóbirek alańdaýda. Olardyń kópshiligi kólik satyp alý úshin nesıe alǵan jáne qazir basqa tabys kózin izdeýge májbúr.
Buǵan deıin Kýrsıv Avto Almatydaǵy Sanzhar Rulit avtosalonynyń menedjeri alaıaqtyq úshin alty jylǵa sottalǵanyn jazǵan.