Almatyda aldaǵy demalys kúnderi jeńil relsti kólik (LRT) qurylysyna jáne jóndeý jumystaryna baılanysty birneshe jol ýchaskesinde ýaqytsha shekteýler engiziledi, dep habarlaıdy infohub.kz saıty.
Almaty qalalyq ákimdiginiń baspasóz qyzmetinen málim etkendeı, 29 tamyz saǵat 08:00-den 30 tamyz saǵat 16:00-ge deıin Abylaı han dańǵylynyń Tóle bı kóshesinen Gogol kóshesine deıingi ýchaskesinde jol qozǵalysy tolyǵymen jabylady. Bul LRT jobasyn iske asyrý aıasynda ınjenerlik jelilerdi qaıta jańartýǵa baılanysty.
«Jóndelip jatqan ýchaskede eskertý belgileri qoıylady. Óz baǵytyńyzdy aldyn ala josparlaýdy suraımyz», — dep atap ótti ákimdikte.
Sonymen qatar, osy demalys kúnderi Shaımerdenov kóshesiniń Jandosov kóshesinen Seıdimbek kóshesine deıingi ýchaskesi de ýaqytsha jabylady. Shekteý 29 tamyz saǵat 06:00-den 30 tamyz saǵat 13:00-ge deıin jumys isteıdi. Bul LRT qurylysyna emes, jol tóseminiń ortasha jóndeýine baılanysty.
Qala bıligi megapolıs turǵyndary men qonaqtaryn ýaqytsha qolaısyzdyqtardy eskere otyryp, saparlaryn aldyn ala josparlaýǵa shaqyrady.