Jyl basynan beri Almaty metropolıteninde polısıa qyzmetkerleri tyıym salynǵan zattardy ótkizbek bolǵan 310 azamatty ustady, dep habarlaıdy infohub.kz saıty.
Polisia.kz málimetinshe, metroǵa kirer kezde tekserý kezinde zańsyz aınalymnan 29 pyshaq, kastetke uqsas 62 zat, sondaı-aq 4 oq-dári tárkilendi. Jolaýshylardyń qaýipsizdigin qamtamasyz etý úshin stansıalarda 604 beınebaqylaý kamerasy ornatylǵan, olardyń bir bóligi naqty ýaqyt rejıminde bet-álpetti taný fýnksıasymen jabdyqtalǵan.
Metropolıtendegi polısıa basqarmasynyń bastyǵy Oral Ahımov jolaýshylardy belgilengen erejelerdi saqtaýǵa, tyıym salynǵan zattardy ótkizýge tyryspaýǵa jáne kez kelgen kúdikti zattar men quqyqqa qarsy áreketter týraly dereý polısıa qyzmetkerlerine nemese metro qyzmetkerlerine habarlaýǵa shaqyrdy.
İİM derekterine sáıkes, Almaty metropolıteniniń qyzmetin kún saıyn 110 myńnan 130 myńǵa deıin jolaýshy paıdalanady, sondyqtan qoǵamdyq tártip pen qaýipsizdikti qamtamasyz etý máselelerine erekshe nazar aýdarylady.