Jyl basynan beri Almaty metrosynda ondaǵan pyshaq, kastet jáne oq-dáriler tárkilendi, dep habarlaıdy infohub.kz.
Oǵan qaramastan, Almaty metropolıteni qoǵamdyq kóliktiń eń qaýipsiz túrleriniń biri bolyp qala beredi. Kún saıyn onyń qyzmetin 110 myńnan 130 myńǵa deıin jolaýshy paıdalanady.
«Jyl basynan beri tekserý is-sharalary barysynda polısıa qyzmetkerleri metropolıten aýmaǵyna tyıym salynǵan zattardy ótkizbek bolǵan 310 azamatty anyqtady. Zańsyz aınalymnan 29 pyshaq, kastetke uqsas 62 zat, sondaı-aq 4 oq-dári tárkilendi», — dep habarlady Qazaqstan Respýblıkasy İshki ister mınıstrligi.
Sonymen qatar, Almaty metropolıteni stansıalarynda zamanaýı beınebaqylaý júıesi jumys isteıdi. Qazirgi ýaqytta 604 kamera ornatylǵan, olardyń bir bóligi naqty ýaqyt rejıminde bet-álpetti taný fýnksıasymen jabdyqtalǵan.
«Biz jolaýshylardy tyıym salynǵan zattardy ótkizýge tyryspaýǵa jáne kez kelgen kúdikti zattar men quqyqqa qarsy áreketter týraly dereý polısıa qyzmetkerlerine nemese metro qyzmetkerlerine habarlaýǵa shaqyramyz», — dep atap ótti metropolıtendegi polısıa basqarmasynyń bastyǵy Oral Ahımov.
Quqyq qorǵaý organdary jolaýshylardy metropolıtendi paıdalaný erejeleri men qaýipsizdik talaptaryn saqtaýǵa shaqyrdy.