Almaty oblysynda qutqarýshylar bıiktigi 4464 metrde taý aýrýyna shaldyqqan reseılik týrısi evakýasıalady. Oqıǵa SGÝ (Sverdlov memlekettik ýnıversıteti) shyńyna shyǵý kezinde bolǵan, dep habarlaıdy infohub.kz saıty.
Alty adamnan turatyn top — úsh er jáne úsh áıel — shyńǵa shyǵyp bara jatqanda, qatysýshylardyń biri kenetten aýyryp qaldy. Týrıser Garmin spýtnıktik baılanys qurylǵysy arqyly qutqarýshylarǵa habarlasyp, naqty koordınattaryn jetkizgen.
Almaty ákimdiginiń monıtorıń jáne jedel áreket etý ortalyǵy, «Barys» respýblıkalyq qutqarý jasaǵy jáne TJM «Qazavıaqutqarý» AQ tikushaq ekıpajy dereý kómekke jetti.
«Qutqarýshylar 1992 jyly týǵan Reseı azamatyn evakýasıalady. TJM tikushaǵy ony №4 qalalyq klınıkalyq aýrýhana alańyna jetkizip, dárigerlerge tapsyrdy. Toptyń qalǵan músheleri evakýasıadan bas tartyp, joldy óz betinshe jalǵastyrdy», — dep habarlady TJM.
Aldyńǵy kúni Almaty oblysynda taǵy bir reseılik týrıser tobyna qutqarý tikushaǵynyń kómegi qajet boldy. Olar 3510 metr bıiktikten evakýasıalandy. Taýdaǵy tas qulaýynan keıin 25 jastaǵy qyz basynan jaraqat alsa, 32 jastaǵy er adam qulap, qolyn zaqymdaǵan. Aýa raıynyń qolaısyzdyǵyna balanysty qutqarýshylar aldymen jaıaý jetýge májbúr boldy, sodan keıin avıasıany qosqan.
TJM bıik taýly marshrýttarǵa shyǵar aldynda densaýlyq jaǵdaıyn aldyn ala baǵalaý, aýa raıy men akklımatızasıa erekshelikterin eskerý, sondaı-aq tótenshe jaǵdaılarǵa arnalǵan senimdi baılanys quraldaryn alý qajettigin eskertedi.