Almaty oblysynda uly qazaq aqyny Jambyl Jabaevtyń týǵanyna 180 jyl tolýyna arnalǵan halyqaralyq báıge ótti. Jarysqa Qazaqstannyń túkpir-túkpirinen jáne Qyrǵyz Respýblıkasynan 150-den astam shabandoz qatysty. Sportshylar tórt dısıplına boıynsha synǵa tústi: qunan báıge, top báıge, bataqur báıge jáne alaman báıge. Jeńimpazdar men júldegerlerge kólikter men aqshalaı syılyqtar tabys etildi, dep habarlaıdy infohub.kz saıty.
Eń uzaq qashyqtyqta — 25 shaqyrymdyq alaman báıgede — «Koksırek» atty jylqymen Pavlodar ókili Damır Ilesbek birinshi bolyp márege jetti. Jeńimpazǵa bas júlde — ROX avtokóligi berildi. Jylqynyń ıesi — Iembergen Kýantaev, jattyqtyrýshysy — Qanat Dolotbakov.
Ekinshi oryndy Jambyl oblysynyń ókili Almasqan Bazyrbek «Baktory» atty jylqymen ıelenip, 2 mln teńgege laıyq boldy. Úshinshi bolyp Astanadan Mansýr Alıjan «Kemenger» atty jylqymen márege jetip, oǵan 1,5 mln teńge tabystaldy. Tórtinshi oryndy Jambyl aýdanynyń Kókbastaý aýylynan Ámir Seraly «Jelqońyr» atty jylqymen aldy.
16 shaqyrymdyq top báıgede Almaty oblysynyń Balqash aýdanynyń ókili Mereı Garıpýllın «Orda» atty jylqymen jeńiske jetti. Bas júlde — Hyundai Palisade avtokóligi. Jylqynyń ıesi — Altynbaı Qasym, jattyqtyrýshysy — Jambyl Bobekbaı.
Almaty oblysynyń Qarasaı aýdanynyń ókili Ádiljan Asqatuly «Sekret» atty jylqymen ekinshi oryn alyp, 1,5 mln teńge aldy. Úshinshi bolyp Almatydan Ahmet Arnur «Tobylǵy tory» atty jylqymen márege jetip, 1 mln teńge jeńip aldy. Tórtinshi oryndy Jambyl aýdanynyń Uzynaǵash aýylynan Beıbarys Tórehan «Abadanzor» atty jylqymen ıelendi.
11 shaqyrymdyq qunan báıgede Almaty oblysynyń Balqash aýdanynyń ókili Aısultan Samatuly «Bakkara» atty jylqymen birinshi bolyp márege jetti. Jeńimpazǵa Changan X5 avtokóliginiń kiltteri syıǵa tartyldy. Jylqynyń ıesi — Nazar Altynbaı, jattyqtyrýshysy — Jambyl Bobekbaı.
Ekinshi oryndy «Erkejiren» atty jylqymen Ersultan Jarqyn ıelenip, 1 mln teńge aldy. Ámir Seraly «Sulý qasqa» atty jylqymen úshinshi bolyp márege jetip, 700 myń teńge jeńip aldy. Qyrǵyz Respýblıkasynyń ókili Umar Talantov «Baıla» atty jylqymen tórtinshi oryndy, al Jetisý oblysynan Daryn Berish «Baıraq» atty jylqymen besinshi oryndy aldy.
Bataqur báıgede Astanadan Serjan Baqytbaı «Bomaro» atty jylqymen jeńiske jetti. Jylqynyń ıesi ári jattyqtyrýshysy — Nurjigit Tabyldıev. Ekinshi oryndy Jambyl aýdanynyń Aqaınar aýylynan Temirlan Aıdarhanov «Gaýhartas» atty jylqymen aldy. Úshinshi bolyp Pavlodar ókili Damır Ilesbek «Tarlan» atty jylqymen márege jetti.
Halyqaralyq báıgemen qatar qazaq kúresi, asyq atý, láńgi oıyny, qol kúresi jáne gır sporty boıynsha oblystyq týrnırler ótti. Barlyǵy sporttyq jarystarǵa 300-den astam adam qatysty.
Halyqaralyq báıge uly qazaq aqyny Jambyl Jabaevtyń 180 jyldyǵyna arnalǵan mereıtoılyq is-sharalar aıasynda uıymdastyryldy.