Almatyda qala boıynsha tapanshaǵa uqsaıtyn zatpen júrgen júrgizýshi polısıa nazaryna ilinip, ustaldy. Tekserý barysynda tapanshanyń oıynshyq ekeni anyqtaldy, dep habarlaıdy infohub.kz saıty.
Almaty qalalyq polısıa departamentiniń baspasóz qyzmetiniń málimetinshe, áleýmettik jelilerdi monıtorıńileý barysynda júrgizýshiniń qarýǵa uqsaıtyn zatty kórsetken beınejazba anyqtalǵan.
«Medeý aýdany polısıa basqarmasynyń qyzmetkerleri kúdiktini anyqtap, ustap, polısıaǵa jetkizdi. Kórsetilgen zattyń oıynshyq tapansha ekeni jáne atys qarýyna jatpaıtyny anyqtaldy. Quqyq buzýshyǵa qatysty usaq buzaqylyq faktisi boıynsha ákimshilik is qozǵalyp, materıaldar sotqa jiberildi», – dep habarlady DP-dan.
Sondaı-aq, quqyq buzýshyǵa qatysty jol júrý erejelerin buzý faktisi boıynsha da ákimshilik is qozǵalǵany atap ótildi.
«Qoǵamdyq oryndarda qarýǵa uqsaıtyn zattardy, tipti oıynshyq bolsa da, kórsetýge bolmaıdy. Mundaı áreketter azamattar arasynda dúrbeleń týdyrýy múmkin jáne polısıanyń dereý áreket etýin talap etedi», – dep atap ótti DP-da.