Almatyda ótken demalys kúnderi polısıa qyzmetkerleri jol qozǵalysy erejeleriniń júzdegen buzýshylyqtaryn anyqtady. Moped, samokat jáne basqa da jeke mobıldilik quraldarynyń júrgizýshilerine erekshe nazar aýdaryldy, dep habarlaıdy infohub.kz saıty.
Megapolıste apattylyqty tómendetýge jáne jol qozǵalysy erejelerin óreskel buzýshylyqtardyń jolyn kesýge baǵyttalǵan profılaktıkalyq reıdter jalǵasýda. Polısıa departamentinde atap ótkendeı, arnaıy turaqtarǵa 3 moped, 298 samokat, 1 elektrovelosıped jáne 1 motosıkl qoıyldy.
Qalanyń Jetisý aýdanynda jol erejeleriniń 152 buzýshylyǵy tirkeldi. Olardyń bir bóligi kólik quraldaryn paıdalanýǵa jáne jolaýshylardy tasymaldaýǵa qatysty.
Almaty polısıa departamenti bastyǵynyń orynbasary Ǵalym Sarǵulov: «Joldaǵy qaýipsizdik árbir jol qozǵalysyna qatysýshynyń tártibine tikeleı baılanysty. Sondyqtan bizdiń mindetimiz – jol-kólik oqıǵasyna ákelýi múmkin buzýshylyqtardy ýaqytyly anyqtaý jáne olardyń saldaryna jol bermeý. Baqylaý turaqty negizde, ásirese qozǵalys qarqyndy jáne apattylyq deńgeıi joǵary ýchaskelerde jalǵasady. Júrgizýshilerdi jol qozǵalysy erejelerin qatań saqtaýǵa, óz ómirińiz ben aınalańyzdaǵylardyń qaýipsizdigin qaterge tikpeýge shaqyramyz», – dedi.