Almatyda aýa raıynyń nasharlaýyna baılanysty shańdy daýyl bastalyp, qalany túgeldeı qamtydy. Turǵyndar áleýmettik jelilerde tabıǵat apatynyń beınelerimen bólisýde, dep habarlaıdy infohub.kz.
Threads jelisindegi almaty_bez_filtrov akkaýntynda: «Almatyda búgin qatty jel kóterilip, shań men tozańdy alyp keldi, kóriný nasharlady. Al sınoptıkter buǵan deıin qalada jańbyr jaýady dep boljaǵan edi. Turǵyndar men júrgizýshilerge jel men shań saldarynan jolda abaı bolý usynylady», — delingen. Sondaı-aq, shańnan sózbe-sóz «surǵylt tartqan» qalanyń beıneleri jarıalanǵan.
Qala turǵyndary shańnyń qazylǵan kóshelerden kóterilgenin aıtady. Paıdalanýshylar: «Almatyda qazir aýa raıy ne bolyp jatyr, bul shańdy daýyl ma? Terezeden qarap tańǵaldym», «Bul tamyz aıyndaǵy ekinshi daýyl. Alergıamen aýyratyndar qazir qatty zardap shegýde», «Ras aıtasyz, kóshege shyqtym da, birden kirip kettim», «Taýda da, qalada da tynys alý múmkin emes», — dep jazady.
Sınoptıkter buǵan deıin 31 tamyzda Almatyda aspan ashyq bolatynyn, aýa temperatýrasy ortasha +23 gradýs bolatynyn habarlaǵan edi. Kúndiz aýa +34 gradýsqa deıin jylyp, jel jyldamdyǵy 7,5 m/s jetýi múmkin. 1 qyrkúıekte azdaǵan jańbyr kútiledi, temperatýra shamamen +19 gradýs, eń joǵary +25, eń tómen +12, jel 3,1 m/s deıin.