4-9 tamyz aralyǵynda Almatyda ótetin FIDE University Team Chess Championship-2026 uıymdastyrýshylary shahmat Ýnıversıadasynyń toptyq quramyn jarıa etti, dep habarlaıdy infohub.kz.

Qatysýshylar arasynda úsh qazaqstandyq komanda bar. Qazaq ulttyq ýnıversıteti (QazUÝ) jáne Qazaq ulttyq sport ýnıversıteti (QUSÝ) quramalary D tobynda Indonezıadaǵy Gýnadarma ýnıversıteti jáne brıtandyq Oksford quramalarymen oınaıdy.

Úshinshi qazaqstandyq komanda – Almaty Menedjment Ýnıversıteti (Alma-U) – S tobynda shırek fınalǵa joldama úshin kúresedi. Onyń qarsylastary – Kembrıdj (Ulybrıtanıa), amerıkandyq Tehas jáne grek Afına stýdentteri.

A tobyna Reseıdiń ÝGGÝ (Oral taý-ken memlekettik ýnıversıteti), sondaı-aq Avstralıanyń Melbýrn, amerıkandyq Garvard jáne qytaılyq Pekın ýnıversıtetteriniń quramalary kirdi.

V tobyn Ońtústik Afrıkadaǵy Pretorıa, Ýebster jáne Sent-Lýıs (AQSh), sondaı-aq Chılı ýnıversıtetteriniń stýdenttik komandalary quraıdy.

Dóńgelek júıe boıynsha ótetin machtar ár tórttikten eki úzdik komandany anyqtaıdy. Odan ári pleı-off – shırek fınal, jartylaı fınal, 3-oryn úshin mach jáne fınal.

Oıyndar tórt taqtada ótedi. Ár komanda quramynda keminde bir er jáne keminde bir áıel bolýy tıis. Oıyn ýaqyty – 45 mınýt plús ár júriske 30 sekýnd, birinshi júristen bastap.

Týrnırge halyqaralyq grosmeısterler Dımıtrıs Aleksakıs (Grekıa), Chopra Arán, Sýbramanıat Bharam, Chatterdjı Kýstav, Adıtá Samant (barlyǵy – Úndistan), Vıktor Gazık (Slovakıa), Nıkolozı Kacharava (Grýzıa), Sergeı Lobanov, Rýdık Makarán, Arsenı Nesterov (barlyǵy – Reseı), Iaır Parhov (Izraıl), Franchesko Sonıs (Italıa) jáne Qazybek Nogerbek (Qazaqstan) qatysady.

Óz oqý oryndarynyń namysyn halyqaralyq sheberler Merýert Kamalıdenova, Satbek Ahmedınov, Arystan Isanjýlov, FIDE sheberleri Jangır Bıjıgıtov, Erlan Tleýhanov, Nýrasyl Jýmabek jáne basqa da qazaqstandyqtar qorǵaıdy.

Ýnıversıtetter arasyndaǵy alǵashqy komandalyq shahmattan álem chempıonatynyń ashylýy 4 tamyzda ótedi. Sol kúni toptyq kezeńniń alǵashqy machtary da ótedi.

Týrnırdi Halyqaralyq shahmat federasıasy (FIDE) Qazaqstannyń Týrızm jáne sport mınıstrligimen, Qazaqstan shahmat federasıasymen (QSHF), Almaty qalasynyń ákimdigimen jáne Freedom Holding Corp kompanıasymen birlesip uıymdastyrady.

Jalpy júlde qory €50 myńdy quraıdy. Chempıondarǵa €25 myń, vıse-chempıondarǵa – €15 myń, úshinshi oryn alǵan komanda €10 myńdy bólisedi.