Almaty taýlarynda marshrýttan adasqan týrıserge qatysty eki oqıǵa tirkeldi. Qutqarýshylar aldymen úsh qyzǵa, sodan keıin bir jupqa kómek kórsetti, dep habarlaıdy infohub.kz.
Birinshi oqıǵa Bostandyq aýdanynda, Japon joly mańynda, teńiz deńgeıinen 1900 metr bıiktikte boldy. Monıtorıń jáne jedel áreket etý ortalyǵynyń qyzmetkerleri týrısik joldan adasyp, taýdan ózdiginen túse almaǵan úsh qyzǵa kómekke keldi. Kúrdeli jer bederine baılanysty qutqarýshylar qaýipsiz túsý úshin álpınısik jabdyqtardy qoldandy.
«Qyzdarǵa medısınalyq kómek qajet bolmady. Túskennen keıin olar úılerine ózdiginen jetti», — dep habarlady qutqarýshylar.
Keıinirek sol aýdanda, Almarasan shatqalynda, Ekoparkten joǵary, 1998 jyly týǵan jigit pen 2007 jyly týǵan qyz adasyp qaldy. Olar keri joldy taba almady. İzdeýge TJM «Barys» respýblıkalyq qutqarý jasaǵynyń qutqarýshylary shyqty. Týrıser shamamen 2350 metr bıiktiktegi baqylaý alańynyń mańynan tabyldy.
Qutqarýshylar olardy Almarasandaǵy aıaldamaǵa deıin jetkizdi. Olarǵa medısınalyq kómek qajet bolmady.
Qutqarýshylar eske salady: taýǵa shyǵar aldynda marshrýtty zerttep, aýa raıy jaǵdaıyn jáne óz fızıkalyq múmkindikterińizdi baǵalap, belgilengen joldardan taımaý kerek.