17 tamyzdan bastap Almaty turǵyndary úıinen 500 metr radıýstaǵy komýnaldyq aqyly turaqqa tegin qoıýǵa ótinim bere alady, dep habarlaıdy infohub.kz saıty.
Almaty qalalyq Kólik basqarmasynyń málimetinshe, tegin turaqqa qoıý quqyǵy bir turaq orny men bir avtokólikke beriledi. Biraq turǵyndarǵa naqty oryn bekitilmeıdi — olar tek bos oryn bolǵan jaǵdaıda ǵana paıdalana alady.
Ótinimdi «Almaty parkıng» saıtynda nemese eOtinish platformasynda arnaıy formany toltyryp qaldyrýǵa bolady. Buǵan deıin Kolesa.kz basylymy qalalyq turaqtar saıtynda ótinim qaldyrý múmkin bolmaǵanyn habarlaǵan edi. Ótinim berý úshin eki árip pen toǵyz sıfrdan turatyn tirkeý kýáliginiń nómirin kórsetý qajet, degenmen qazaqstandyq tehpasporttarda tek segiz sıfr kórsetilgen. Qazirgi ýaqytta qate túzetildi.
Tegin turaqqa ótinimderdi qaraý 15 kúnge deıin sozylady. Qaraý nátıjesin eki aptadan keıin bilýge bolady.
Buǵan deıin turaq quny árbir naqty ótkizilgen mınýt úshin esepteletini habarlanǵan bolatyn. Sonymen qatar tegin ıntervaldar saqtalady: alańdyq, jerasty jáne kópdeńgeıli turaqtardan shyǵý úshin 10 mınýt, trotýarlyq turaqtarda 5 mınýt.