Almatyda ortalyq kóshelerdiń birinde joldaǵy qaqtyǵys adam uryp-soǵýmen aıaqtaldy. Oqıǵanyń vıdeosyn EgovPress Telegram-arnasy jarıalap, áleýmettik jelilerde tez tarap, keń qoǵamdyq rezonans týdyrdy... dep habarlaıdy infohub.kz saıty.
Kadrlarda ROX kóliginiń júrgizýshisi basqa júrgizýshige soqqy berip, ol esin joǵaltyp, asfáltqa qulaǵany kórinedi. Shabýyl jasaýshy oqıǵa ornynan jedel járdem kelgenge deıin qashyp ketken. Zardap shekken júrgizýshi polısıaǵa aryzdanyp, kinálini taýyp, jaýapqa tartýdy suraǵan.
Almaty polısıa departamentinde NUR.KZ tilshisine habarlaǵandaı, Bostandyq aýdanynyń polısıa basqarmasy bul fakti boıynsha dene jaraqatyn keltirý babymen qylmystyq is qozǵaǵan. Quqyq qorǵaý organdary oqıǵa birneshe apta buryn bolǵanyn anyqtaǵan. Janjalǵa qatysýshylar anyqtalyp, olarmen qajetti prosestik is-sharalar júrgizilýde.
Polısıada qazirgi ýaqytta tergeý amaldarynyń kesheni júrgizilip, oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵanyn atap ótti. Tergeý nátıjesi boıynsha árbir qatysýshynyń áreketine zańda belgilengen tártippen tıisti quqyqtyq baǵa beriletin bolady.