Almatyda kýágerler jappaı tóbelesti beınege túsirip, jazbany áleýmettik jelilerde jarıalady. Polısıa oqıǵanyń barlyq qatysýshylaryn jedel anyqtap, jaýapkershilikke tartty, dep habarlaıdy infohub.kz saıty.
Keshe Instagram-daǵy almatinec_live akkaýntynda «Teremkı» turǵyn úı kesheniniń mańynda bolǵan tóbeles týraly aqparat paıda boldy. Kýágerler oqıǵanyń beınejazbasyn da jarıalady. Habarlamada tórt jas jigit eki adamǵa shabýyl jasap, zardap shekkenderdiń biri esin joǵaltqany aıtylǵan.
Almaty polısıa departamentiniń baspasóz qyzmeti 4 tamyzda saǵat 03:50 shamasynda bolǵan túngi janjalǵa bes er adam qatysqanyn naqtylady. «Bir-birin tanıtyn bes er adam qoǵamdyq orynda sózge kelip, turǵyndardyń tynyshtyǵyn buzyp, daýystap balaǵat sózder aıtqan. Oqıǵanyń barlyq qatysýshylary anyqtalyp, jaýapkershilikke tartyldy. Olardyń ekeýi qoǵamdyq orynda mas kúıinde júrgeni úshin aıyppul tóledi. Beseýine qatysty usaq buzaqylyq faktisi boıynsha ákimshilik materıaldar jınalyp, prosesýaldyq sheshim qabyldaý úshin sotqa jiberildi», — dep atap ótti Almaty qalalyq polısıa departamentinde.
Polısıa qoǵamdyq tártiptiń kez kelgen buzylýy, ásirese turǵyn alaptarda jáne túngi ýaqytta, mindetti túrde quqyqtyq baǵa alatynyn eskertedi.