Almatyda Ýshkempırov kóshesindegi jóndeý jumystary qashan aıaqtalatyny belgili boldy: qozǵalysty 20 tamyz saǵat 20:00-de ashý josparlanýda, dep habarlaıdy infohub.kz saıty.
Almaty Joly Telegram-arnasynyń málimetinshe, qazirgi ýaqytta Alasha kóshesinen Ál-Farabı dańǵylyna deıingi ýchaskede jóndeý jumystaryna baılanysty qozǵalys ýaqytsha shektelgen. Mamandar tyǵyz qıyrshyqtas-mastıkalyq qospadan asfáltbetonnyń joǵarǵy qabatyn tóseýde.
Merzimder aýa raıy jaǵdaıyna nemese óndiristik qajettilikke baılanysty ózgerýi múmkin ekendigi atap ótildi. Vedomstvo júrgizýshilerge ýaqytsha qolaısyzdyqtardy túsinistikpen qabyldaýdy, jol belgileriniń talaptaryn saqtaýdy jáne balamaly baǵyttardy aldyn ala josparlaýdy surady.