20 tamyzda Almaty turǵyndarynyń bir bóligi elektr qýatynsyz qaldy. «Alataý Jaryq Kompanıasy» AQ avarıalyq óshirýdiń sebebin túsindirip, qalpyna keltirý jumystarynyń barysy týraly habarlady, dep habarlaıdy infohub.kz saıty.
Kompanıanyń resmı saıtyndaǵy ınteraktıvti kartaǵa sáıkes, qazirgi ýaqytta qalanyń birneshe aýdanynda turǵyndar jaryqsyz qalǵan. Kók túspen belgilengen josparly óshirýlerden bólek, keıbir aýdandarda avarıalyq óshirý bolǵan. Máselen, Almaly aýdanynda Túrkebaev, Raıymbek, Rozybakıev, Bógenbaı batyr kósheleriniń qıylysyndaǵy úıler, sondaı-aq Jetisý aýdanyndaǵy Serıkov, Omarov kósheleri, shaǵyn aýdan jáne Selskaıa, Jumabaev, Seıfýllın, Bespakov kósheleriniń turǵyndary jaryqsyz qaldy.
«Alataý Jaryq Kompanıasy» NUR.KZ tilshisine habarlaǵandaı, 20 tamyzda Almatynyń birqatar aýdanynda elektr qýatynyń ýaqytsha óshirilýi tirkeldi. Almaly aýdanynda saǵat 16:20-da Túrkebaev, Rozybakıev, Bógenbaı batyr kósheleri men Raıymbek dańǵyly mańynda elektr qýaty ýaqytsha óshirildi. Sebep — taratý pýnktiniń eki ıacheıkasynyń zaqymdanýy.
Kompanıa mamandary dereý jumysqa kiristi. Qazirgi ýaqytta elektr qýatyn tolyq qalpyna keltirý úshin qajetti tehnıkalyq sharalar júrgizilýde.