Nazarbayev University ǵalymdary Ionosfera ınstıtýtynyń zertteýshilerimen birlesip, Almatydaǵy jer bederiniń qalaı ózgeretinin anyqtady. Qalanyń keıbir aýdandarynda jer jylyna birneshe santımetrge kóterilip nemese tómendep otyrady, dep habarlaıdy infohub.kz saıty.
Joba jetekshisi, Nazarbayev University oqytýshysy Emıl Baıramovtyń aıtýynsha, aımaqqa tektonıkalyq plıtalardyń úzdiksiz soqtyǵysýyna baılanysty kúrdeli prosester áser etedi. Jerdiń tik jáne kóldeneń yǵysýy baıqalady: keıbir aýdandar kóterilip nemese tómendese, basqalary batysqa nemese shyǵysqa jyljıdy.
Jer bederiniń eń aıqyn ózgeristeri Almatynyń ortalyq bóliginde, ortalyq Almaty jarylymynyń boıynda baıqalady. Zertteýshiler bul qorytyndyny 2017-2023 jyldar aralyǵyndaǵy baqylaýlar negizinde jasady.
Bir jyl ishinde jer bederiniń jekelegen ýchaskeleri 9 santımetrge tómendep nemese 5 santımetrge kóteriledi. Sonymen qatar, jer qabattary kóldeneń baǵytta, batystan shyǵysqa jáne soltústikten ońtústikke qaraı jylyna 21 santımetrge deıin yǵysady.
Ǵalymdar yǵysý oryndary boıynsha jer silkinisin boljaý múmkin emes ekenin atap ótedi. Alaıda bul aımaqtarda adamnyń is-áreketi, mysaly qurylys nemese jer asty sýlaryn sorý, jer bederiniń yǵysýyn jyldamdatýy múmkin.