Almatyda Howo markaly júk kóligi birneshe ret soqtyǵysyp, turǵan kólikke, aǵashqa jáne aıaldama pavılonyna soǵyldy. Oqıǵa 20 tamyz tańerteń bolǵan, dep habarlaıdy infohub.kz saıty.
Oqıǵa ornynan túsirilgen vıdeo kris_p_almaty Telegram-arnasynda paıda boldy. Kýágerlerdiń aıtýynsha, júk kóligi Shalápın kóshesimen kele jatyp, aıaldama keshenine soǵylǵan.
NUR.KZ tilshisi Almaty polısıa departamentine suraý joldady. Onda jol-kólik oqıǵasy Áýezov aýdanynda shamamen 09:20-da bolǵanyn rastady.
Polısıa málimetinshe, júk kóliginiń júrgizýshisi kóliktiń ózdiginen júrip ketýin boldyrmaıtyn sharalardy qabyldamaǵan. Saldarynan júk kóligi ońtústik jıekte turǵan BYD kóligine soǵylyp, artynsha soltústik jıekke shyǵyp, tas bordúrge, aǵashqa jáne aıaldama dúńgirshegine soǵylǵan.
Baqytymyzǵa oraı, apattan eshkim zardap shekken joq. Qazirgi ýaqytta Áýezov aýdany polısıa basqarmasynyń qyzmetkerleri oqıǵanyń barlyq mán-jaıyn anyqtap jatyr.