Almaty oblysynyń Aqtas aýylynda kisi óltirý oqıǵasy boldy: qurban bolǵan — jergilikti tandyrda jumys istep, nan satqan 35 jastaǵy Ózbekstan azamaty. KTK telearnasynyń saıtynyń málimetinshe, oqıǵa kenetten týyndaǵan janjal saldarynan bolǵan, dep habarlaıdy infohub.kz.
Anyqtalǵandaı, qaıtys bolǵan adam sońǵy bes jyl boıy Qazaqstanda turyp, nan pisirýmen jáne satýmen aınalysqan. Jergilikti turǵyndar ol týraly tek jaqsy pikirde: olardyń aıtýynsha, er adam eshqashan janjalǵa túspegen, al juma kúnderi tipti nandy tegin taratqan.
Aldyn ala boljam boıynsha, er adamdar arasynda aýyzsha sózge kelip, tez arada urysqa ulasqan. Urys kezinde 56 jastaǵy kúdikti pyshaq alyp, ólimge ákeletin jaraqat salǵan.
Oblystyq polısıa departamentiniń resmı ókili Ernar Saıdıldın: «Polısıa qyzmetkerleri kisi óltirý faktisi boıynsha qylmystyq is qozǵady. Jedel-izdestirý is-sharalary barysynda 56 jastaǵy kúdikti anyqtalyp, ustalyp, ýaqytsha ustaý ızolátoryna qamaldy. Qazirgi ýaqytta ol kinásin moıyndap, aıǵaq berdi», — dedi.