Tarıhı mura, tiri tabıǵat, qazaq dástúri, mýzyka men sport «Altyn-Emel – qulandar mekeni» atty tuńǵysh etno-tarıhı festıvalinde toǵysady. İs-shara 17 qazanda «Altyn-Emel» ulttyq parkindegi Altynemel vızıt-ortalyǵynda ótedi. Ol Sheńgeldi aýylynan 36 shaqyrym jerde, Qapshaǵaıdyń soltústik jaǵasynda ornalasqan, dep habarlaıdy infohub.kz saıty.
Merekeniń basty ıdeıasy — dala tabıǵaty men kóshpeliler mádenıetiniń birligi. Baǵdarlama saǵat 12:00-de qulandardy tabıǵı ortasynda baqylaýdan bastalady. Sodan keıin kórermenderge kóshpelilerdiń jaýyngerlik dástúrine arnalǵan shoý usynylady: batyrlardyń «Qylysh aınaldyrý» jáne «Aıbalta shoý» atty jalyndy óner kórsetýleri.
13:30-da Sholaq taýlaryndaǵy petroglıfterge ekskýrsıa bastalady. Ań aýlaý kórinisteri, jabaıy janýarlardyń beıneleri, arba tańbalary jáne basqa da sýretter myńjyldyqtar arqyly ata-babalarymyzdyń álemin jetkizdi. Sondaı-aq petroglıfter, Jetisý tarıhy men tabıǵaty týraly dárister josparlanǵan.
Festıváldiń mýzykalyq bóliginde etnıkalyq mýzykanyń naǵyz juldyzdary óner kórsetedi: Arkaiym toby, qobyzshy Láılá Tájibaeva jáne shan-qobyz sheberleri.
Jas qonaqtardy oıyndar men kvestter, eresekterdi petroglıf salý, túrki rýnalary, ekspedısıada aman qalý daǵdylary, hend-meıd jáne aspazdyq sheberlik sabaqtary kútedi. Barlyǵyn «Qolóner jármeńkesi» biriktiredi.
Sport áýesqoılary úshin erekshe baǵdarlama daıyndalǵan: festıvál kúni tańerteń Sholaq taýlarynyń kórkem tabıǵatynda 10 jáne 5 shaqyrymdyq júgirý jarysy ótedi. Ol tanymal almatylyq sýretshi Sanjar Jubanov qashap salǵan jartas sýretterine qaraı júredi.
Kúni: 17 qazan 2026 jyl. Kirý tegin. Júgirý jarysy 9:30-da, festıvál 12:00-de bastalady. Ótetin orny: Altynemel vızıt-ortalyǵy, Qapshaǵaıdyń soltústik jaǵasy (festıvál kúni vızıt-ortalyq jumys isteıdi).
Júgirý jarysyna tirkelý jáne sportshylarǵa transfer silteme arqyly qoljetimdi. Qonaqtarǵa transfer +7 707 976 7070 (WhatsApp) nómiri boıynsha aldyn ala tirkelý arqyly beriledi, sol jerden anyqtama da alýǵa bolady. Qosymsha aqparat festıváldiń Instagram-akkaýntynda.
Uıymdastyrýshylar: Qazaq National Parks JSHS, «Ohotnıkı za petroglıfamı» QQ, «ALTYN EMEL» memlekettik ulttyq tabıǵı parki, Central Asian Sustainable Tourism Development Foundation, DDA kreatıvti agenttigi, Jetisý oblysy ákimdiginiń jáne «Ostrov Krym» zerthanasynyń qoldaýymen.